Улаанбаатар хотын музейгээс Нийслэлийн хүүхэд залуучуудын тусгай цогцолбортой хамтран тус цогцолборын 6-13 насны хүүхдүүдэд 2023 оны 1-р сарын 11-13-ны өдөр музей үзүүлж, “Улаанбаатар хотын түүх, соёлын үл хөдлөх дурсгал”, “Нийслэл хүрээ” сэдэвт боловсролын ажил явуулж, “Нийслэл хүрээ” хөлөгт тоглоом тоглов. Энэхүү боловсролын хөтөлбөрөөр дамжуулж тус цогцолборын 33 хүүхдэд Улаанбаатар хот дахь 207 түүх, соёлын үл хөдлөх дурсгалыг “Их хүрээ (1706-1911)”, “Нийслэл хүрээ (1912-1924)”, “Социалист Улаанбаатар” (1924-1990) гэсэн хотын түүхийн гурван үе шатанд ангилан авч үзэж, энэхүү үеүүдэд хамаарах онцлох дурсгалуудыг танилцуулж, тоглоомын аргаар Нийслэл хүрээний түүхийг таниулах хичээлийг явууллаа.
